Recent News

வல்லமையின் அலைகளின் இனிய புதுவருட வாழ்துக்கள்.

வருஷத்தை உம்முடைய நன்மையால் முடிசூட்டுகிறீர்; உமது பாதைகள் நெய்யாய்ப் பொழிகிறது. – சங்கீதம் 65:11

ஆண்டவராகிய இயேசுக்கிறிஸ்துவின் வல்லமையுள்ள நாமத்தில் அனைவருக்கும் வல்லமையின் அலைகளின் இனிய புதுவருட வாழ்துக்கள்.

எமது இனிய உறவுகளே இயேசுக்கிறிஸ்துவின் அன்பின் வழிநடத்தல் ஊடாக எல்லா வளமும் கொழிக்கின்ற இந்த புதிய ஆண்டிற்க்குள் புதுப் பொலிவடனும், புதிய வல்லமையுடனும் உங்கள் உள்ளங்களையும் இல்லங்களையும் வல்லமையின் அலைகள் சந்திக்கின்றது.

கடந்த நாட்களை திரும்பிபார்க்கையில் 2004, ஜூலை 31ம் திகதி சுவிசேஷ துதின் சேவைக்காக வல்லமையின் அலைகள் வானொலி வான் அலைகளில் வலம் வர ஆரம்பித்தது.

நெருக்கங்கள், பாடுகள், இழப்புக்கள் மத்தியிலும் சோராது இயேசுக்கிறிஸ்துவின் மேல் கொடியாய் படர்ந்து அவருக்குள் விசுவாசத்தில் வேர் கொண்டு புடமிட்ட தங்கம் போல் 2013ம் ஆண்டில் புதுக்கிருபையோடு புதுவல்லமையோடு புதிய மெருகூட்டப்பட்ட ஆற்றல் கொண்ட இணைய தளத்தோடு தனது சேவையை தொடர்கின்றது.

இந்த கனமான வேலையை செய்வதற்க்குரிய ஆவிக்குரிய வல்லமையை தருகின்ற ஆண்டவராகிய இயேசுக்கிறிஸ்துவுக்கே எல்லா கனமும் துதிகளும். அத்தோடு எல்லா விதத்திலும் சிறுமையான என்னோடு தோளோடு தோள்கொடுத்து வானொலி சுவிசேஷ துதின் வேலையில் ஜக்கியத்தோடு பணி ஆற்றுகின்ற சக பணியாள பெருமக்களுக்கு எனது உள்ளம் கனிந்த நன்றிகளும் வாழ்த்துக்களும். இந்த பணியாள பெருமக்கள் மக்களால் பாடப்படாத ‘பாடகர்கள்’ இவர்களுக்கு பரலோகத்தில் பெரிதான பலன் உண்டு இவர்களை கர்த்தர் எப்பொதும் கனம் பண்ணுவார்.

எந்த இடர்கள் வந்தாலும் நாம் அனைவரோடும் இணைந்து அநேக ஆத்துமாக்களை கர்த்தருக்கு அறுவடை செய்யும் இந்த மேன்மையான பணியை இயேசுக்கிறிஸ்துவின் உதவியோடு வல்லமையின் அலைகள் ஊடகம் ஓயாத அலைகளாக தொடரும்.

மீண்டும் எனது இனிய புதுவருட வாழ்துக்கள் தேவ சமாதானம் எப்பொழுதும் உங்கள் அனைவரோடும் இருப்பதாக, ஆமென்.

வின்சன் மனுவல்